Cristiano Ronaldo ayaa Lagu Soo eedeeyay canshuur bixin la aan


Dacwad oogeyaal reer Spain ah ayaa ciyaaryahanka kooxda Real Madrid Cristiano Ronaldo ku eedeeyay in uu dawladda ka khayaanay canshuuro gaaraya malaayiin doolar.

Xafiiska dacwad oogeyaasha ee magaalada Madrid ayaa sheegay in uu gudbiyay dacwad ka dhan ah ciyaaryahanka reer Boortaqiis.

Waxaa lagu eedeeyay in uusan bixinin 16 milyan oo doolar oo canshuur ah intii u dhaxaysay 2011kii ilaa 2014kii.

Ciyaaryahannka lacagta ugu badan lasiiyo ayaa horay u sheegay in uusan ka cabsiqabin baaritaannada la xiriira canshuuraha maadaama oo aysan jirin wax uu qarinayo.

Hadda waxaa lagu eedaynayaa in uu si ula kac ah u adeegsaday “qaab ganacsi” si uu u qariyo dhaqaalaha ka soo gala xuquuqda sawirradiisa.


Macluumaad la Tusiyay bishii Desembar ee sannadkii hore ayaa tilmaamaya in Ronaldo uusan canshuuro ka bixinin lacago soo galay oo la sheegay in ay yaalaan meel Spain ka baxsan.


Sidoo kale Wuu diiday eedaymahaas.Markii weriye ka tirsan Radio Television Portuguesa uu waydiiyay baaritaankan lagu hayo wuxuu ku jawaabay Wax Cadeeyn ah Majiraan

Nagala soo xariir: warhuban@hotmail.com

Fikirkaaga Waa muhiim ee Asxaabta La Qeybso

Your email address will not be published.


*