Qarax Caawa Ka Dhacay Duleedka Magaalada Muqdisho

July 31, 2017 F.G 0

faah faahino dheeraad ah Oo laga helayaa Qarax Gaari oo caawa ka dhacay inta u dhaxeysa Ceelasha biyaha iyo Siinka-dheer gaar ahaan Agagaarka isbaarada Shabeelle ee Duleedka Muqidsho. Qaraxan oo nuuciisa uu ahaa Miino dhulka lagu aasay ayaa haleelay Gaari Cabdi Bile ah, kaasi oo ay la socdeen Ciidamo ka tirsan Dowladda Federaalka Soomaaliya, sida ay sheegeen saraakiil ka tirsan Ciidamada Dowladda. Saraakiisha ayaa sidoo kale  sheegay Qaraxan in ay ku dhinteen 2 Askari oo ka tirsan Ciidamada Dowladda, halka 2 kalena ay ku dhaawacmeen, waxaana kuwii dhaawacmay loo soo qaaday mid ka mid ah isbitaalada ku yaalla Muqdisho. Ciidamo gurmad ayaa ku baxay goobta uu Qaraxa ka dhacay, halkaasi oo ay caawa ka wadaan Howlgallo lagu raadinayo raggii ka dambeeyay weerarkan Qaraxa ah ee lala beegsaday Ciidamo ka tirsan Dowladda.

SAWIRO:Shirkii Amniga Oo Go’aanno adag Laga Soo Saaray Muqdisho

July 31, 2017 F.G 0

Madaxwayanaha Jamhuuriyadda Federaalka Soomaaliya Mudane Maxamed Cabdullaahi Farmaajo ayaa kulan kula qaatay Xarunta Madaxtooyada saraakiisha ciidamada qalabka sida ee dalka. Kulankan waxaa looga hadlay qorshayaasha guud ee la xiriira tayeynta iyo tababarradda ciidamada, dagaalka lagula jiro argagixisada, xoojinta wada shaqaynta ciidamada iyo hanashada ammaanka guud ee dalka kahor inta uusan soo idlaan howlgalka ciidamada Midowga Africa ee Soomaaliya (AMISOM). Madaxwaynaha ayaa ku amray saraakiisha ciidamada in ay soo dhisaan guddi ka shaqeeya diyaarinta qorshe midaysan oo ku aaddan xoojinta wada shaqaynta laamaha kala duwan ee ciidamada. Madaxwayne Farmaajo ayaa u xaqiijiyey sarakiisha ciidamada in ay dowladdu qaadayso tallaabo kasta oo lagu xaqiijinayo tayeynta iyo xoojinta ciidamada. taliye kuxigeen ciidanka Booliska Soomaaliyeed Sareeya Guuto Bashiir Cabdi Maxamed oo Saxaafadda la hadlay ayaa sheegay in ay dhiseen guddi ka kooban 8 xubnood oo ka kala tirsan saraakiisha ciidamada xoogga dalka, Booliska, Nabad sugidda, iyo Asluubta. Guddigaan la magacaabay ayaa Madaxwaynaha muddo kooban kadib usoo gudbindoona qorshe midaysan oo ay leeyihiin ciidamada qalabka sida ee Dalka.

Qaxooti Indho la’ Oo Darajada Koowaad Ka Galay Jaamacad Ku Taallo UK

July 31, 2017 F.G 0

Xilli Aphra ay daawanaysay wiilkeeda Allan oo ka qalin jebinaya jaamacadda Cambrige bishii lasoo dhaafay, ayay dib u xasuusatay wakhtigii uu dhashay. “Aad baan uga xumahay in wiilkaagu indhool yahay”, deriskeedii Baqdaad ayaa sidaas ku yiri. Aphra ayaa noqotay hadal haynta ugu badan magaalada, sababtoo ah xaalada gaarka ah ee uu wiilkeedu ku suganyahay. “Ciraaq sannadkii 1995-tii- Saddam Xusseen ayaa madaxwayne ka ahaa, dagaalkii gacanka ayaa dhammaaday saddex sano kahor, shacabkuna waxay la daalaa dhacayeen cuna qabatayntii dalka la saaray. Isaga oo ah ilma yar oo indha la’, Allan Hennessy rajadiisu waxay ahayd mid hoosaysa. Hadda wuxuu dhex lugaynayaa iskuulkiisa oo ku yaalla Cambrige, Allan wuxuu leeyahay kalsooni iyo aftahannimo: “Hadda waxaan ku hadlaa dhowr lah-jadood” ayuu yiri “Haddii aan lahadlo qof ka yimid Ciraaq, waxaan kula hadlaa Carabi, ‘Asalaam-Calaykum.’ “Markaan Cambridge joogo, waxaan leeyahay cod dheer” Isaga oo jira 22 sano, ayuu Allan ka tallaabsaday caqabado badan oo soo wajahay, taasi oo ku adkaan lahayd dad badan oo kale. Haddaba, sidee wiil indhoola ah oo ku dhashay dal ay colaado ka jiraan uu u [Sii aqri]

Mid Ka Mid ah Guddiga Doorashooyinka Kenya Oo Meydkiisa La Helay

July 31, 2017 F.G 0

Mas’uul sare oo ka tirsanaa  guddiga doorashooyinka Kenya Oo u  qaabilsanaa maamulida hanaanka codeynta ee kombuuterada ayaa meydkiisa la helay iyadoo isbuuc uun ay ka harsan tahay doorashada guud. Chris Musando, oo guddiga doorashooyinka ee IEBC u qaabilsanaa dhinaca farsamada tecknoolajiyada ayaa sameeyay hanaan uu ku sheegay in aan la jabsan karin. Ninkan ayaa la waayay Jimcihii aan soo dhaafnay, sida uu sheegay booliska. Wargeys ka soo baxa dalka Kenya ayaa ku warramay in meydka Mr Musando la helay iyadoo jirkiisu uu jirdil ka muuqdo.   Doorashooyinkii u dambeysay ee dalka Kenya ka dhacay 2013-kii, ayaa hanaankii codeynta iyo tirinta codadka ee ku shaqeynayay combuuterka uu guuldarreystay. Waxay taasi horseeday eedayma ah in doorashadii lagu shubtay. Chris Msando ayaa isbuucyadii dhawaa lagu arkayay telefihsinada maxaliga ah isagoo sharraxaad ka bixinayo qalabka uu guddiga u istcimaali doono doorashadan oo lagu tilmaamay mid aan loo Dhici Karin. Dhimashadiisa oo aan  La caddeyn sida ay ku timid  inkastoo doorasahada ay su’aalo badan dhalin doonto. Qiyaasihii u dmabeeyay ee soo baxay waxay sheegayaan in madaxweynaha xilka haya Uhuru Kenyatta iyo [Sii aqri]

Deg Deg : Qarax Gaari Oo Ka Dhacay Degmada Waabari ee Mugdisho

July 31, 2017 F.G 0

Wararka laga Helaayo Degmada Waberi ayaa Sheegaya in Qarax Miino oo  lagu Xiray Gaari uu leeyahay Xildhibaan ka tirsan Maamulka Koofur Galbeed ayaa Galabta ka dhacay Degmada Waabari Ee Magaalada Muqdisho gaar ahaan Waaxda Horseed. Qaraxa waxaa ku dhaawacmay Saddex Qof oo Shacab ah islamarkaana uu ku jiro Darawalkii Gaariga oo lagu Magacaabo Cabdi Maxamed Raage iyo Labo Dumar ah oo Gaariga la socday. Wararka ayaa sheegaya in Gaariga Qarxay uu ahaa Allion, Targadisu tahay AD7857,waxaana la sheegay in Xildhibaanka ka tirsan Maamulka Koofur Galbeed ee gaariga iska leh uu san  Xiligaa Muqdisho joogin.

Maxaa Ka Jiro in Ciidanka Xasilinta ay Qori Ka Qaateen Sarkaal Diiday in la Baaro

July 31, 2017 F.G 0

Ciidamada Xasilinta ee magaalada Muqdisho ayaa maanta qoriga ka qaatay Sarkaal ka tirsan Milatariga Soomaaliya kaas oo watay gaari  yar oo nooca raaxada ah. Sarkaalka ayaa amar diiddo ku sameeyay Ciidamada jooga Isgoyska Shaqaalaha ee Magaalada Muqdisho,waana uu ka soo baxsaday kaddib markii uu diiday in labaaro. Ciidamada joogay Shaqaalaha ayaa la hadlay kuwo ku sugan Isgoyska Dabka,iyaga oo ku war geliyay in Sarkaal Milatari ah oo Qori wata uu baaritaanka soo diiday kana soo cararay. Ciidamada jooga Dabka ayaa markii uu soo gaaray isku dayay in ay joojiyaan oo ay baaraan,waana uu ka dhega fureysay oo ka cararay mar kale. Rasaas ayey ka daba rideen waxaana suura gashay in ay gacanta ku dhigaan,su’aalo dhowr ah oo ay weydiiyeen kaddib ayey iska fasaxeen Sarkaalkii waxaana ay kala hareen Qori AK47 ah oo gaariga u saarnaa. Ciidamad Xasilinta ayaa isgoysyada qaar dadka ka qaadaya  Hubka Fudud sida Middiyaha ay Ragga xirtaan,Baangadaha ay wataan Wadayaasha Gaadiidka dadweynaha 

Xog: Taliye xigeenka NISA Oo Xabsi Guri La Dhigay iyo Imaaraadka Oo Dhib Ka Wada Xamar

July 31, 2017 F.G 0

Ra’iisul wasaare Xasan Cali Kheyre ayaa amar ku bixiyay in xabsi guri uu ku jiro taliye xigeenka NISA Cabdalla Cabdalla, kadib markii uu xabsiga dhigay gabar iyo wiil hore uga shaqeyn jiray safaaradda Imaaraadka ay ku leedahay magaalada Muqdisho. Ayaan Maxamed iyo Mukhtaar Nuur, ayaa xabsiga la dhigay seddex maalmood ka hor markii uu amar ku bixiyay in la soo xiro taliye ku xigeenka NISA Cabdalla, xiritaanka labada qof ayaanan la sheegin sabab ay u xiran yihiin. Ilo wareedyo ku dhow safaaradda Imaaraadka ee Muqdisho ayaa  sheegay  in loo xiray labadaa shaqsi kaddib markii uu codsaday safiirka Imaaraadka ee Soomaaliya Maxamed Cusmaan. Safiirka ayaa xiriir wanaagsan la leh taliyaha NISA Sanbalooshe iyo ku xigeenkiisa Cabdalla Cabdalla, waxaana ay ila wareedyadu sheegeen in uu safiirka cabsi ka qabo in ay bixiyaan sirta safaaradda maadaama ay si iskood ah shaqada uga tageen. Waxaa baraha bulshada ka bilowday olole lagu dalbanayo in si degdeg ah loo sii daayo Mukhtaar Axmed oo ah wariye madax bannaan iyo Ayaan. Cabashada ayaa gaartay R/W Kheyre, taasoo keentay in uu xafiiskiisa ugu [Sii aqri]

Warbixintii Ugu Dambeeyay Suuqa Kala Iibsiga Ciyaartoyda Maanta Oo Isniin Ah

July 31, 2017 F.G 0

Barcelona ayaa dalab dhan 53 Malyan oo Pound ka gudbin doonta Mesut Ozil kaas oo 28-jir ah hadii ay ku hungowdo helitaanka Philippe Coutinho. (Don Balon.) Ciyaariyahanka Everton Ross Barkley ayaa dhimi doona mushaarka maankiisa ku jira si uu ugu biiro Tottenham, mana la siin doono aduun dhan 120,000 kun oo Pound. (Mirror) La Liga ayaa warbixin ku aadin sharci jabinteeda xeerka FFP u gudbin doonta UEFA hadii Paris Saint Germain ay lacago waali ah kula wareegto Neymar xitaa hadii aysan lacagahaas iyadu bixin. (El Larguero)   Paris Saint Germain waxey kalsooni buuxda ku qabtaa saxiixa Neymar Junior, waxeyna goor hore diyaarisay halkii ay kusoo bandhigi laheyd. (ESPN). Chelsea ayaa dooneysa iney la kulanto rabitaanka Bayern Munich si ay hal sano oo amaah ugu soo qaadato 19-jirka reer Portugal Renato Sanches. (Corriere dello Sport) Arsene Wenger ayaa doonaya inuu si walba Alexis Sanchez sii joogo Emirates Stadium inkastoo uu galay 12-kii bilood ee ugu dambeeyay heshiiskiisa Emirates. (The Sun). Barcelona ayaa diyaar u ah iney iibiso  24-jirka reer Portugal Andre Gomes, kaas oo xagaagii hore [Sii aqri]

Xiriirka u dhexeeya Neymar iyo ciyaartoyda Barcelona oo sii xumaaday

July 31, 2017 F.G 0

Xiriirkii u dhexeeyay ciyaartoyda Barcelona iyo laacibka reer Brazil ee Neymar ayaa sii xumaaday tan iyo kulankii Real Madrid. AS ayaa baahisay in ciyaartoyda kooxdu ay niyad jab ka muujinayaan hab dhaqanka laacibka, kaas oo ay ku eedeynayaan inuu fiirsanayo kaliya dantiisa shaqsiga ah isaga aan fiirin mida kala dhexeysa ciyaartoyda kooxda. Laacibka ayaa isaga baxay qolka labiska ee Barcelona kulankii ugu danbeeyay ee ay la ciyaareen Real Madrid isaga oo aan xirnayn dharka kooxdiisa Barca. Ka hor kulankaas, Neymar ayaa isaga baxay tababarka Barcelona kadib markii uu dagaal lagalay laacibka ku cusub kooxda ee Semedo. Dhamaan waxyaabahaan oo isbiirsaday ayaa cadayn u ah in Neymar uu go’aansaday inuu ka tago Barcelona isla markaana uu ku biiro PSG.

DEGDEG:Madaxweyne Farmaajo Oo kulan la leh Saraakiisha Hay’adaha Ammaanka Dalka

July 31, 2017 F.G 0

Madaxweynaha Somaliya Mudane Maxmed Cabdullahi Farmaajo ayaa hadda  kulan la leh saraakiisha hay’adaha Ammaanka, kaasi oo ku saabsan Amniga guud ee Dalka. Kulanka oo ka soconaya xarunta Aqalka Madaxtooyada Villa Soomaaliya ayaa waxaa goob joog ka ah dhamaan saraakiisha laamaha Ammaanka ee Dowladda Federaalak Soomaaliya, sida ay xaqiijiyay Wararka laga helaayo Villa somaliya Ujeedad kulanka ayaa ah sidii loo xoojin lahaa sugidda ammaanka guud ee dalka gaar ahaan caasimadda, iyo sidii ay u wadashaqeyn lahaayeen dhamaan laamaha ammaanka Dowladda Federaalka Soomaaliya.

1 2 3 33