Mareykanka iyo xulafadiisa Oo Weeraray Dalka Suuriya


Ayadoo Malmahaan Ay Sheegayeen In ay Ka Jawaab Ka Bixin Doonaan Weerarkii Sunta ahaa ee Ka Dhacay Dalka Suuriya ayaa La Sheegayaa in Wadammada Mareykanka, Fransiiska iyo Britain ay duqeymo  kaga jawaabayaan sunta la sheegay in dowladda Suuriya ay adeegsatay ka fuliyay gudaha wadanka Suuriya.


Qarax aad u weyn ayaa laga maqlay caasimadda Dimishiq ee dalka Suuriya, waxaana sidoo kale la arkay uuro ka baxeysa halka uu weerarka ka dhacay.

Madaxweynaha Mareykanka, Donald Trump ayaa war qoraal ah oo uu soo saaray ku sheegay weerarka, waxaana Trump uu intaa raaciyay in Mareykanka iyo xulafadiisa ay horay ugu diyaar garoobeen ficil ka dhan ah dowladda Suuriya, si loo joojiyo hubka kiimikada ee la sheegay inay adeegsatay.

Sidoo kale Madaxweeyne Trump waxaa kale oo uu edeeyay dowladda Ruushka oo uu sheegay inay ku guuldareysatay inay ka soo baxdo ballankii ay qaaday sannadkii 2013-ka, kaasi oo ahaa inay burburiso hubka kiimikada ee Suuriya.


Dhanka kale Raysal wasaaraha Britain, Theresa May oo iyaduna ka hadashay weerarka ayaa sheegtay in weerarada ay ka fuliyeen gudaha dalka Suuriya ay ahayeen kuwa qorsheysnaa oo loogu talo galay in aysan sii hurinin xiisadda gobolka, waxaana ay intaa ku dartay inay iska ilaaliyeen waxwalbo Oo waxyeleyn kara dadka rayidka.

Sidoo kale weerarka waxaa ka hadlay madaxweynaha Fransiiska, Emmanuel Macron oo sheegay in weerarda ay ahaayeen kuwa looga hortagayo in dowladda madaxweyne Bashar Al-Asad aysan adeegsanin hubka kiimikada.

Hase ahaate Wax jawaab ah laga Mahaayo Dowladaha Ay saxbka ahaayeen Suuriyo Sida Iraan iyo Rushka ayadoo uu Hada Ka Hore uu Warbahinta Ka sheegay in uu Jawaab Ka Bixin Doono Ruushka Hadii ay Weerar Geestaan Waddamada Xulufada ah ee Reer Galbeedka.

Nagala soo xariir: warhuban@hotmail.com

Fikirkaaga Waa muhiim ee Asxaabta La Qeybso

Your email address will not be published.


*