Cabdi Maxamuud Cumar Oo La Sheegay In lagu jir dilay xabsiga uu ku xiran yahay


 Madaxweynihii hore ee dowlad degaanka Soomaalida Itoobiya Cabdi Maxamuud Cumar Ayaa la sheegay in  lagu jir dilay xabsi ku yaalla magaalada Addis Ababa ee dalka Itoobiya Sidaas Waxaa Sheegtay Hooyadiis   Maamo Deeb Mahad Colow 


Sidoo kale Waxa ay sheegtay dhacdadaasi in ay la kulantay xilli iyada iyo xaaska Cabdi Maxamuud ay raashiin geeyeen xabsiga, islamarkaana ay aragtay wiilkeeda oo Sideed nin ay garaacayeen, kadibna laga soo tuuray jaranjaro ku taalla xabsiga gudihiisa.

Waxa ay sheegtay inay qaylisay iyada iyo xaaska Cabdi Maxamuud Cumar oo wada socda, islamarkaana raggii xabsiga haystay ay soo eryadeen, sidoo kale waxa ay tilmaamtay in dhulka madaxa looga garaacay Cabdi Maxamuud Cumar, xittaa uu gabay codkii taaha ahaa ee xanuunka.


Ra’iisul Wasaaraha Itoobiya Abiy Ahmed Ali ayay ka codsatay in arrintan deg deg wax looga qabto, wiilkeedana xabsiga laga sii daayo, maadaama sida ay sheegtay xanuuno kala duwan uu qabo.

Cabdi Maxamuud Cumar ayaa 27-kii August ee sanadkan lagu xiray xabsi ku yaalla magaalada Addis Ababa, kadib markii gurigiisa ay ka soo kaxeeyeen ciidanka Itoobiya, eedeymaha loo heysto waxaa ka mid ah dhibaatooyin loo geystay dad shacab ah.

Nagala soo xariir: warhuban@hotmail.com

Fikirkaaga Waa muhiim ee Asxaabta La Qeybso

Your email address will not be published.


*