Dr Abiy Axmed Oo Yiri 2Calanka Itoobiya Waa La Baddeli Karaa Balse Waxaa Wanaagsan In Laga Shaqeeyo Horumarka”


Ra’isal wasaaraha Itoobiya ayaa warbaahinta dalka la hadlay wuxuuna sheegay in calanka dartii aan loo baahneen in ey rabshado iyo iska horimaadyo dalka uga dhacaan.


Bilihi la soo dhaafay muwaadiniinta dalka Itoobiya waxay bannaan baxyada ay sameeynayeen u adeegsanayeen calamo kala duwan oo isugu jira kan dalka oo dhowr nooc ah.

Maalinti shalay ahayd

waxaa magaalada Addis Ababa isku gacan qaaday taageerayaasha jabhadda oromada ee OLF iyo dhalinyara ka soo horjeedda. Taageerayaasha jabhadda oromada ee OLF oo isku dayay calanka dalka meela uu ku buufsanaa in ey ku beddelaan calanka jabahadda OLF ay leedahay halkaasina iska horimaad uu ka dhashay.

Booliska dalka Itoobiyana waxay sheegeen in ay jiraan dhaawacyo rabshadahaasi ay sababeen.

Dhinaca kale Malinta Sabtida ayaa lagu wadaa iney jabhadda OLF in magaalada Addis Ababa si rasmi ah looga soo dhaweeyo.

Dr Abi Axmed wuxuu sheegay calanku in uu yahay astaan uu dal ama xisbi siyaasadeed uu u adeegsado in lagu aqoonsado, cid walbana waxay xaq u leedahay in ay aragtida siyaasadeed ee ay aminsan tahay ay si xor ah u soo bandhigto, xorriyaddaasina waxaa ka mid ah calanka.


Mareykankaba wuxuu calankiisu beddelay ilaa iyo 13 jeer marka Itoobiyana haddii ay muwaaddiniintu dalka raalli ka noqdaan waa la beddeli karaa.

wuxuu ra’isal wasaaruhu sheegay in loo baahan yahay in laga fikiro oo keli sidi aan dalka horumar u gaarsiin laheen, noolasha dadkana aan wax uga beddeli laheen.

mana aha inaan ku mashquulno waxyaabo aan dalka wax ku soo kordhineyn oo weliba burbur u horseedi kara ayuu Yuri.

Nagala soo xariir: warhuban@hotmail.com

Fikirkaaga Waa muhiim ee Asxaabta La Qeybso

Your email address will not be published.


*