Maxaa Ka Jiro In Beesha Warsangali In Ay Ku Wareejisay Wasiir Jamaal


Odoyaasha beesha Warsangali gaar ahaan Dubays oo kursigii golaha shacabka ay lahaayeen jufada Sin Laawe, Dubays/  ee Warsangali ku wareejiyey jufo kale  oo ah reer Guuleed, waana jufada  uu ka dhashay wasiirka qorsheynta ee dowladda federaalka Jamaal Maxamed Xassan.


Suldaan Maxamed Suldaan Cabdulaahi ayaa sheegay in kursigan ay ku wareejiyeen reer Guuleed kadib rabitaanka xildhibaankii is-casilay iyo rabitaanka jufada Sin Laawe oo uu ka dhashay.

Beesha Dubeys ayaa laheyd 2 Xildhibaan, oo ku kala asteysnaa sidan: (1): Warsangali/ Dubays/ Sin Laawe (2). ): Warsangali/ Dubays/ Qoob.

Markii uu geeriyooday xildhibaan Daahir Xaaji Geelle, kursigii waxaa la siiyey isla beeshii, oo waxaa badalay walaalkii, laakin hadda markii uu is-casilay Dhahar Cali Faarax Dhahar, waxaa dhacday in lagu wareejiyey beesha reer Guuleed ee uu ka dhashay Wasiirka qorsheynta Jamaal Maxamed Xassan.

Doorashada kursiga waxaa ay dhaceysaa berri oo Axad ah, October 7, 2018, waxaa lagu wadaa inuu ku soo baxo Wasiirka qorsheynta Jamaal Maxamed Xassan maadaama kursiga isaga la siiyey kadib markii ay ka tanaasuleen beshii laheyd.


Laakin waxaa la hubaa in Dhahar Cali Faarax Dhahar oo ahaa xildhibaankii kursiga iska casilay loo Magacaabay Qunsulka Soomaaliya ee Dalka Jabuuti, taasi oo qeyb ka aheyd heshiiska.

Nagala soo xariir: warhuban@hotmail.com

Fikirkaaga Waa muhiim ee Asxaabta La Qeybso

Your email address will not be published.


*