Maamulka Jubbaland Oo Sheegtay In Ay Burburiyeen Saldhigyadii Al shabaab ee G/Gedo


 

Mamulka  Jubbaland  ayaa   sheegtay inay hawlgal ku bur Burburiyeen  saldhigyo ururka Al Shabaab ay ku lahaayeen degaano ka tirsan gobolada Gedo iyo Jubbada Hoose.


Wasiiru dowlaha amniga Jubbaland Maxamed Cabdi Kaliil ayaa wuxuu sheegay in sidoo kale ay burburiyeen fariisimo Shabaab ay ku lahaayeen dhulka buuraleyda ah ee Ceel-Waaq, Baardheere iyo Garbahaarey.

Sidoo Kale Waxa uu sheegay in dhawaan ay qaadi doonaan hawlgal balaaran oo Shabaab looga saarayo degaanada ay ka joogaan Jubbaland, taasi bedelkeeda ayuu dalbaday inay helaan ciidan badan oo Al Shabaab ka saara fariisimaha dagaal ee ay ku sugan yihiin.


“Hawlgalada way socdeen, waxaan Shabaab ka burburinay fariisimo ay ku lahaayeen gobolada Gedo iyo Jubbada Hoose, buuraleyda u dhaxeysa Ceel-waaq, Baardheere iyo Garbahaarey ayay ka sameysteen fariisimo, waxaa dhawaan imaan doona hawlgalkii ugu dambeeyay, waxaan dalbaneynaa ciidamo dheeraad ah”. ayuu yiri Wasiiru dowlaha Jubbaland.

Madaxweynaha Jubbaland Axmed Maxamed Islaam (Axmed Madoobe) ayaa dhawaan kulan uu saraakiisha ciidanka dowladda, kuwa Jubbaland iyo kuwa AMISOM la qaatay wuxuu ku bogaadiyay inay kordhiyaan dagaalka ay kula jiraan Shabaab, si guud ahaan looga saaro Jubbaland.

Nagala soo xariir: warhuban@hotmail.com

Fikirkaaga Waa muhiim ee Asxaabta La Qeybso

Your email address will not be published.


*