October 19, 2019

Cali Maxamed Geeddi Oo Ku dhawaaqay inuu hoggaamin doono Xisbi Mucaarad ah


Ra’iisul Wasaarihii hore ee dowladdii KMG aheyd ee Soomaaliya Prof. Cali Maxamed Geeddi ayaa maanta ku dhawaaqay inuu hoggaamin doono Xisbi mucaarad oo ka mid noqonaya Axsaabta Mucaaradka ee dalka ka jira.

Khudbad uu ka jeediyay Munaasabad soo dhoweyn ah oo maanta Muqdisho loogu sameeyay Guddoomiyaha Gobolka Banaadir ahna Duqa Muqdisho ayuu Cali Geeddi ka sheegay inuu dhisay Xisbi Mucaarad ah oo la diiwaan geliyay.


Waxaa uu sheegay in Xisbiyada siyaasadda ay sharci yihiin, isla markaana uu meel mariyay Baarlamaanka, isla markaana Madaxweynaha digreeto ku ansixiyay, waxaa uu xusay in Xisbigiisa yahay mid wax dhisaya.

Cali Maxamed Geeddi ayaa lagu tiriyo siyaasiyiinta aad ugu dhow dowladda Federaalka, isagoo dhowr jeer difaacay, si kululna u weeraray Mucaaradka dowladda.


Lama oga in Xisbigiisa la mid noqonayo xisbiyada gacan saarka la leh dowladda Soomaaliya,  waxaa la is weydiinayaa sida xilligan Cali Geeddi uu u mucaaradi karo dowladdii uu taageersanaa, kana difaaci jiray mucaaradka.

Nagala soo xariir: warhuban@hotmail.com

Fikirkaaga Waa muhiim ee Asxaabta La Qeybso

Your email address will not be published.


*