Madaxweyne Xaaf “Galmudug Waa maamul xor ah waana xadgudub qoraalka ka soo baxay Dowlada federalka.”

June 20, 2019 M.Jo 0

Madaxweynaha Maamulka Galmudug Axmed Ducaale Geelle Xaaf oo shir jaraa’id ku qabtay maanta magaalada Dhuusamareeb ayaa ku tilmaamay xadgudub Warqadii Wasaaradda Arrimaha Gudaha Soomaaliya kasoo baxday ee looga hadlay doorashada Galmudug iyo mudada xilheynta Madaxweyne Xaaf. Xaaf oo dib ugu soo laabtay magaalada Dhuusamareeb kadib safar uu ugaga maqnaa dalka dibadiisa ayaa shirkiisa jaraa’id ugaga hadlay arrimo dhinacyo kala duwan taabanaya isagoo ku eedeeyay dowlada federalka inay farogelin ku hayso maamulkiisa. “Howsheenu ha ahaato aan is difaacno,Howsheenu ha ahaato aan is ilaalino,Howsheenu ha ahaato aan isku tashano,dhamaan xildhibaano iyo wasiiro waxan u baahanahay in aan si deg-deg ah isugu imaano oo aan aayaheena ka tashano,”ayuu yiri Madaxweyne Xaaf. Dhinaca kale waxa uu Madaxweynaha Maamul Goboleedka Galmudug ayaa ku tilmaamay dilkii ka dhacay Koofurta Gaalkacyo inuu ahaa mid siyaasad ay ka dambeysay isagoo sheegay in dilkaas ay ka dambeeyeen ciidamo ka tirsan qeybta 21aad ee xoogga dalka Soomaaliyeed

Xisbiga uu hoggaamiyo Xasan Sheekh oo ka hor-yimid go’aanka Dowlada Federalka Somaliya

June 20, 2019 M.Jo 0

Xisbiga Midowga Nabadda iyo horumarka ee uu hoggaamiyaha u yahay Madaxweynihii hore ee Soomaaliya Xasan Sheekh Maxamuud  ayaa ka horyimid Go’aankii Wasaaradda Arrimaha Gudaha ee doorashada Galmudug & muddo xileedka Madaxweyne Xaaf looga hadlay. War-Saxaafadeed kasoo baxay Xisbiga ayaa lagu sheegay in Doorashada Galmudug kaliya  ay xaq u leeyihiin hay’addaha uu xaqsiinayo dastuurka dowlad goboleedka Galmudug oo ay ku heshiiyeen beelaha Soomaaliyeed ee ku dhaqan deeganada maamul goboleedka Galmudug. Sidoo kale War-Saxaafadeedka ayaa lagu sheegay in Xisbiga Midowga Nabadda & Horumarka uu halkan ka cadeynayo in warsaxaafaddeedkii ay soo saartay wasaaradda arimaha gudaha Jamhuuriyadda Federaalka Soomaaliya taariikhdu markay aheyd 18-ka June 2019 uu ahaa mid sharci darro ah, looguna gafay dastuurka KMG ah ee dalka u yaalla. Hoos Ka Akhriso Ware-Saxaafadeedka Xisbiga Midowga Nabadda iyo Horumarka.    

M/ Farmaajo Oo Saxiixay Ka Mid Noqoshada Cahdiga Qaramada Midoobey ee Xuquuqda Naafada

June 20, 2019 M.Jo 0

Madaxweynaha Jamhuuriyadda Federaalka Soomaaliya Maxamed Cabdullaahi Farmaajo ayaa saxiixay ka mid noqoshada JFS Heshiiska Qaramada Midoobey ee Xuquuqda Naafada. Munaasabad uu ku dhaqan geliyey Madaxweynuhu ka mid noqoshada Dowladda Federaalka Soomaaliya Cahdiga Qaramada Midoobay ee Xuquuqda Dadka Naafada Ah ayaa ku qabsoomtay Madaxtooyada, waxaana goob joog ku ahaa Wasiirka Wasaaradda Haweenka iyo Xuquuqul Insaanka Xukuumadda Marwo Deeqo Yaasiin Xaaji iyo Agaasimaha Madaxtooyada Qaranka Dr.Nuur Diiriye Xirsi (Fuursade). Wasiirka Haweenka iyo Xuquuqul Insaanka Xukuumadda Federaalka Soomaaliya oo tilmaamtay dadaalka joogtada ah ee dowladdu ugu jirto diyaarinta shuruucda iyo yagleelidda hay’adaha xaqsiinta dadkeenna nugul ayaa uga mahadcelisay Golaha Shacabka iyo Aqalka Sare akhrinta, falanqaynta iyo ansixinta Heshiiskan oo waxtar u leh dhismaha Hay’adda Naafadaqa Qaranka. Dowladda Federaalka Soomaaliya ayaa ogolaatay Bishii Oktoobar ee sanadkii 2018 in ay ka mid noqotay Cahdiga Xuquuqda Dadka Naafada ah, kaddib markii Wasiirka Haweenka iyo Xuquuqul Insaanka Xukuumaddu ay ku saxiixday Xarunta Qaramada Midoobay ee magaalada New York.

Dowlada Iran oo soo riday Diyaarad ay leedahay Dowlada Mareykanka

June 20, 2019 M.Jo 0

Ciidamada Cirka dalka Iran ayaa ku guuleestay in ay soo ridaan diyaarad nuuca aan duuliyaha laheyn oo leedahay Dowlada Mareykanka, diyaaradan ayaana la sheegay in a soo gashay Hawada Iran. Taliyaha ciidammada ilaalada kacaanka Xuseen Salami ayaa sheegay in ciidankooda ku guuleesteen in ay soo ridaan Diyaaradan Mareykanka leeyahay, waxa uuna xusay in diyaarada si sharci daro ah usoo gashay hawada Iran. Waxa uu sheegay taliyaha ciidamada ilaalada Kacaanka Iran in talaabada ciidamada Cirka Iran kusoo rideen diyaaradan ay tahay mid fariin u direysa dowlada Mareykanka uu sheegay in xadgudub wado. Dowlada Mareykanka ayaa durba qiratay in diyaarad nuuca aan duuliyaha laheyn kasoo rideen ciidamada Iran, waxa ayna Mareykanka sheegeen in diyaarada lasoo riday xili ay maraysay hawada caalamiga ah ee ka sarraysa marinka Hormuz. Xiisada u dhaxeysa Iran iyo Mareykanka ayaa sii xoogeesanaya, dowlada Mareykanka ayaana kordhisay ciidamada ay geeneyo bariga Dhaxe iyo sidoo kale marinka Muhiimka ah ee Hormuuz.

Sheekh Cali (Wajiis) oo ku eedeeyay dowlada inay caqabad ku tahay Xajka

June 20, 2019 M.Jo 0

Sheekh Cali Maxamuud Xasan (Wajiis) oo ka mid ah Culumada Soomaaliyeed kana mid ah guddiga arrimaha xajka ayaa xukuumada federalka ku eedeeyay inay caqabad ku tahay sanadkan Soomaalida dooneysa inay soo xajiso. Qoraal dheer uu soo dhigay Bartiisa Facebook ayuu ku soo bandhigay qoddobo sababi kara in sanadkaan Soomaalida ka baaqato Xajka. Qodobada uu soo saaray Sheekha ayaa waxaa kamid ah in xamlooyinka loo xil saaray xajka sanadkan aysan lahayn waayaraganimo ku filan marka laga reebo shan xamlo. Hoos Ka Akhriso Qodobada uu ku sababeeyay in Xukuumadda Soomaaliya caqabad ku tahay

Maxay Kawada Hadleen Madaxweyne Farmaajo Iyo Guddoomiyaha Baarlamaanka HirShabelle

June 20, 2019 M.Jo 0

Xarunta Madaxtooyada ee Villa Soomaliya Waxaa kulan gaar ah ku wada yeeshay Madaxweynaha Soomaaliya Maxamed Cabdullaahi Farmaajo iyo Guddoomiyaha Baarlamaanka Hir-Shabeelle Cusmaan Barre Maxamed. Kulanka oo saacado badan qaatay ayaa waxaa warar kala duwan ay kasoo baxayaan waxyaabihii looga hadlay, iyada oo ilaa iyo hadda Madaxtooyada Soomaaliya ay kasoo saarin wax War ah. Hayeeshee Wararka la helayo ayaa waxaa ay sheegayaan in la iskula soo qaaday sidii loo xalin lahaa xiisada ka taagan Baladweyne ee ka dhalatay xilka qaadiistii Guddoomiyihii Gobolka  Hiiraan Yuusuf Dabageed. Guddoomiyaha Baarlamaanka Hir-Shabeelle Cusmaan Barre Maxamed oo todobaadyadii la soo dhaafay ku maqnaa dalka Sacuudi Carabiya ayaa dib ugu laaban doona Magalada Jowhar, iyada oo uu jiro khilaaf ka dhashay fasax uu geliyay Xildhibaanada Hirshabeelle, kadib markii uu joojiyay kulamadii Baarlamanka Hir-Shabeelle.  

Wassirada Arrimaha Dibbada IGAD oo kulan aan caadi ahayn ku yeeshay Addis Ababa

June 20, 2019 M.Jo 0

Wasiirada Arrimaha Dibbada wadamada ku jira urur goboleedka IGAD ayaa kulan aan caadi ahayn ku yeeshay magaalada Addis Ababa ee dalka Ethiopia. Kulanka ayaa waxaa ka qeybgalay Wasiirrada Arrimaha Dibadda Soomaaliya, Itoobiya, Jabuuti, Kenya, Koonfurta Suudaan, Suudaan iyo Wasiiru dowlaha Arrimaha Dibadda ee Uganda. Wasiirrada Arrimaha Dibadda wadamada xubnaha ka ah IGAD waxa ay ka doodeen xaaladda Suudaan iyo horumarka laga gaaray howlaha taabagelinta dib u noolaynta geedi socodka Koonfurta Suudaan Dhowaan ayaa dalka Sudan waxaa booqasho ku tegey Ra’iisul Wasaaraha dalka Ethiopia Abiy Ahmed isagoo waanwaan ka dhex bilaabay dhinacyada isaga soo horjeeda siyaasada dalka Sudan.

Ma Runbaa In Kenya ay Xeelad hor leh ku wajaheyso khilaafka kala dhexeeyo Soomaaliya?

June 19, 2019 M.Jo 0

Xilli uu weli taagan yahay muranka badda ee u dhexeeyo Soomaaliya iyo Kenya, waxay u muuqataa in ay Kenya ay waddo dhaqdhaqaaq ku aadan arrintaas, waxay Kenya muranka badda u gudbisay golaha ammaanka ee Qaramada Midoobey. Wasiirka arrimaha dibadda Kenya, Monica Juma ayaa waxay booqasho ku tegtay dalka Jabuuti, waxay halkaas kulan kula qaadatay madaxweynaha Jabuuti, Ismaacil Cumar Geelle. Waxyaabaaha ay ka wadahadleen waxaa kamid ah ammaanka gobolka iyo xiriirka diblumaasiyadeed ee haatan ka dhexeeya Kenya iyo Soomaaliya. Wasiirka arrimaha dibadda Jabuuti, Maxamed Cali Yuusuf ayaa warbaahinta u sheegay in wasiirka arrimaha dibadda Kenya iyo Ismaaciil Cumar Geele ay soo hadal qaadeen xirirka diblumaasiyadeed ee haatan ka dhex taagan labada dal balse wax faahfaahin ah kama uusan bixin. Sidoo kale Kenya waxay muranka badda hor dhigtay golaha ammaanka ee Qaramada Midoobey si xaaladda ay usoo farageliso. Qaar ka Tirsan  aqoonyahanada soomaaliyeed ayaa sheegay in Kenya ay dooneyso inay ka faa’deysto kala qeybsanaanta iyo xasilooni la’aanta ka jirto Soomaaliya si wadahadal looga gaaro muranka badda. Kenya waxaa ilaa hadda ka dhaadhaacsan in muranka lagu xallin karo wadahadal. [Sii aqri]

Maxaa Ka Soo Baxay Kulankii Baarlamaanka Soomaaliya?

June 19, 2019 M.Jo 0

Kulan ay maanta ku yeesheen xarunta golaha Shacabka xildhibaanada baarlamaanka Federalka ayaa lagu ansixiyay sharciga Maareynta Maaliyadda. Shirkan oo uu shir guddoominayay guddoomiyaha Golaha Shacabka Maxamed Mursal Sheekh Cabdiraxmaan ayaa waxaa goobjoog ka ahaa 141-Xildhibaan. Xildhibaanada Golaha shacabka ayaa ugu horeyn cod geliyay Sharciga maareeynta maaliyadda Oo ay soo gudbisay Wasaaradda Maaliyadda,kaasoo horey laba Akhrin usoo maray. Waxaa Codka haa ku ogolaatay 135 xildhibaan, 6-Xildhibaan mudane ayaa diiday mana jirin xildhibaan ka aamusay,sida uu natiijada codeynta uu ku dhawaaqay Guddoomiyaha Golaha Shacabka Mudane Maxamed Mursal Sheekh Cabdiraxmaan. Guddoomiyaha Guddiga maaliyadda,miisaaniyadda, qorsheynta iyo la xisaabtanka hay’adaha Dowladda ee golaha shacabka Xildhibaan Maxamuud Cabdullaahi Siraji ayaa xildhibaanada golaha uga mahad celiyay ansixinta sharcigan. Dhinaca kale Guddoomiyaha golaha shacabka Mudane Maxamed Mursal Sheekh Cabdiraxmaan ayaa sheegay in maadaamaa maalmihii lasoo dhaafay joogta noqotay xildhibaanada kulamada golaha ka maqan aan marnaba loo dul qaadan doonin Xildhibaan ka maqnaada kulamada golaha, islamarkaana Xildhibaankii sabab la’aan maqnaada kulamada golaha ay la tiigsan doonaan xeer hoosaadka golaha shacabka. Dhinaca kale Guddoomiyaha golaha shacabka Mudane Maxamed Mursal Sheekh Cabdiraxmaan ayaa sheegay in maadaamaa [Sii aqri]

Galmudug Oo Sharci-darro Ku Tilmaantay Warqadda Dowladda Federaalka Ah Ee Doorashada

June 19, 2019 M.Jo 0

Waraqdii Maanta ka soo baxday Wasaarada arrimaha Gudaha Ka Jawaabay dowlad goboleedka Galmudug Waxaana ay ku sheegeen in ay sharci-darro tahay qoraalka wasaaradda arrimaha gudaha ee dowladda federaalka ah ee la xiriira doorashada Galmudug. Mas’uuliyiin sare oo ka tirsan dowlad goboleedka Galmudug  ayaa sheegay in ay diyaarinayaan jawaab ka dhan qoraalka sharci-darrada ah ee dowladda federaalka ah ka soo saartay doorashada maamulka. Dhankiisa, Cabdiraxmaan Cali Ciise oo ka tirsan xildhibaannada dowlad goboleedka Soomaaliyeed ee Galmudug   ayaa sharc-darro ku tilmaamay qoraalka wasaaradda, isaga oo intaasi raaciyey iney ka hor imaaneyso dastuurka Galmudug iyo midka KMG ah ee Soomaaliya. “Warqadaas waa sharci-darro, waxaa ay ka hor imaaneysaa dastuurka Galmudug iyo midka Soomaaliya, waxaa ay daba socotaa faragelinta ay dowladda federaalka ah ku heyso arrimaha Galmudug, waana waxba kama jiraan”. Xildhibaan Cabdiraxmaan Ciise oo sii-hadlaya waxaa uu yiri “ Qoraalka wasaaradda arrimaha gudaha ee dowladda federaalka ah waxaa uu ka hor imaanayaa oo kale heshiiskii Djibouti ee Galmudug iyo Ahlu-sunna, midnimada iyo wadajirka maamulka, waana kala qeybin aad looga xumaado”. Ugu dameyntii, Xildhibaan Cabdiraxmaan Cali Ciise ayaa sheegay [Sii aqri]

1 2 3 64