April 5, 2020

Guddomiye Cali Caraale “Ciidamo Hubeysan Ayaa Isoo Weeraray”

April 5, 2020 F.G 0

Guddoomiyihii Gobolka Hiiraan ee xilka qaadista lagu sameeyay ee Cali Muxumed Caraale oo Maanta warbaahinta kula hadlay Baladweyne ayaa waxaa uu sheegay in Ciidamo hubeysan ay weerar kusoo qaadeen isaga. Waxaa uu sheegay Cali Caraale in Ciidanka soo weeraray ay ka amar qaatan Madaxweynaha Maamulka Hirshabeelle Maxamed Cabdi Waare ee dhawaan xilka qaadista ku sameeyay Isaga oo sii hadlaayay Guddoomiyihii Gobolka Hiiraan ayaa waxaa uu tilmaamay in wixii dhibaato ah ee ka dhasha arrintaas uu Mas’uul ka yahay Madaxweyne Maxamed Cabdi Waare waa sida uu hadlka u dhigay. Ugu dambeyn Cali Muxumed Caraale ayaa waxaa uu dowladda Federaalka Soomaaliya ugu baaqay inay sida uga dhaqsiyaha badan usoo farageliyo xiisada siyaasadeed ee ka jirta Magaalada Baladweyne ee Xarunta Gobolka Hiiraan, isla markaana ka dhalatay xilka qaadista lagu sameeyay. Maanta ayay aheyd markii Israsaaseyn kooban gudaha Magaalada Baladweyne ku dhexmartay Ciidamo kala taabacsan Cali Caraale iyo Guddoomiyaha Cusub ee Gobolka Hiiraan Cali Jeyte Cismaan.

Safaaradda Mareykanka Ee Somalia Oo War Kasoo Saartay Eedeyntii NISA Ee Haaruun Macruuf

April 5, 2020 F.G 0

Safaaradda Mareykanka ee Soomaaliya ayaa ka hadashay eedeyntii Maalin kahor Hay’adda Nabadsugida iyo Sirdoonka Qaranka Soomaaliya ee NISA u jeedisay Wariye Haaruun Macruuf Xasan oo ka tirsan laanta Afka Soomaaliga ee VOA-da. War qoraal ah oo kasoo baxay Safaaradda Mareykanka ee Soomaaliya ayaa waxaa lagu sheegay in Wariye Haaruun Macruuf uu kamid yahay wariyeyaasha ugu saameynta badan kuwa Soomaalida ah uuna ka howgalo Idaacad uu leeyahay Mareykanka. Sidoo kale Qoraalka Safaaradda Mareykanka oo lagu daabacay Bogga Twitter-ka ayaa waxaa lagu sheegay in weerarka Hay’adda NISA ee Wariye Haaruun Macruuf ay halis gelineyso xoriyadda hadalka iyo madax-banaanida warbaahinta. “Haaruun Macruuf waa weriye la ixtiraamo oo xirfadle ah oo ka howl-gala VOA, waana mid ka mid ah suxufiyiinta ugu saameynta badan Soomaalida. Weerarada NISA waxay halis gelinayaan xoriyadda hadalka iyo madax-banaanida warbaahinta ee aas-aaska u ah dimqoraadiyadda iyo isla xisaabtanka dowladeed ee Soomaaliya,” ayaa lagu yiri qoraal kasoo baxay Safaaradda Mareykanka ee Soomaaliya. Hay’adda Nabadsugida iyo sirdoonka Qaranka Soomaaliya ee NISA ayaa Jimcihii lasoo dhaafay sheegtay inay tallaabo ka qaadeyso Wariye Haaruun Macruuf oo ka tirsan VOA-da, [Sii aqri]

Guddomiyaha Madasha Qaran Oo Kulan La Qaatay Safiirka Midowga Yurub ee Somalia

April 5, 2020 F.G 0

Guddoomiyaha Madasha Xisbiyada Qaran ahna Madaxweynihii hore ee Soomaaliya Sheekh Shariif Sh Axmed ayaa Maanta Magaalada Muqdisho kulan kula qaatay Safiirka Midowga ee Soomaaliya Ambassador Nicolas Berlanga. Kulnaka u dhexeeyay Guddoomiyaha Madasha iyo Safiir Nicolas Berlanga ayaa waxaa looga hadlay Arrimo kala duwan oo ay kamid yihiin Ilaalinta Dastuurka iyo dhowrista xuquuqda Muwaadinka. Sidoo kale kulanka Sheekh Shariif uu la qaatay Safiirka Safiirka Midowga ee Soomaaliya ayaa waxaa ku wehlinayay xubno ka tirsan Mdasha Xisbiyada Qaranka, iyagoo Safiirka uga mahadceliyay taageerida Arrimaha Soomaaliya. Qodobada kulanka looga hadlayaa oo ka kooban Afar qodob ayaa waxaa kamid ahaa. Ilaalinta Dastuurka iyo dhowrista xuquuqda muwaadinka. Qabsoomidda doorasho xor iyo xalaal ah xilligii loo asteeyay, aysanna dhicin wax mudo kordhin ah. Xaqiijinta kuraasta loo qoondeeyay haweenka Iyo sidii looga wada shaqeyn lahaa ka hortagga iyo la tacaalidda cudurka CoronaVirus.

XOG:Dib u dhigista Doorashada Itoobiya Iyo Damaca Doorsho M/Farmajo Oo aad u Kala Fog

April 5, 2020 F.G 0

Waxaa jira cabsi laga qabo in dowlada Fedaraalka Soomaaliya ay qorshaynaysa in ay dib u dhigto doorashooyinka dalka ee la qorsheeyey inay dhacaan sanadkan iyo horraanta iyo sanadka xiga, sida qoraal ay soo saareen ay uga digeen Madasha Xisbiyada Qaran. Cabsida ayaa ah in madaxda dowladda ay cudurka Covid19 uga faa’iidsyataan in ay dib u dhigaan doorashada iyaga oo raacaya tallaabada ay qaaday dowlada Itoobiya oo dhowr cisho ka hor ku dhawaaqday in ay dhib u dhigtay doorshadii la doonayay in la qabto bisha August ee sanadkan. Hase yeeshee xaalada Soomaaliya ay ku jirto iyo tan Itoobiya ayaa ah labo xaalad oo kala duwan, taas oo diideysa in dowladda federaalka ay marmarsiyo ka dhigtaan tallaabada ay qaaday dowlada Itoobiya. toddobo sababood oo dib u dhigista doorashada Itoobiya kaga duwan tahay tan doorashada Soomaaliya: 1) – Itoobiya: Doorshada Itoobiya waxaa la qorsheynayay muddo ka badan saddex sano,  waxaa la diyaariyay dhammaan sharuucdii doorashada, diiwaan galinta codeeyayaasha, deeganada ay ka dhacayso doorasahada , lacagta ku baxayso iyo ogolaashaha saamilyada siyaasada dalka Soomaaliya: Wali laguma heshiinin nooca doorasho oo ay  [Sii aqri]

SAWIR:Hub Iyo Dhar Ciidan Oo Gacanta Lagu Dhigay Magaalada Addis ababa

April 5, 2020 F.G 0

Booliska ismaamulka magaalada Addis Ababa ayaa sheegay hub iyo dhar ciidan oo sharci darra ah ay qabteen waxaana ay ka heleen bakhaar uu shaqsi leeyahay oo ku yaalla Magaalada Addis Ababa. Booliska waxay sheegeen dharka ciidanka ee la qabtay iney isugu jiraan kuwa ciidamada qalbaka sida iyo kuwa booliska ay isticmaalanaa .  sidoo  kale bakhaarkaasi waxaa  lagu qabtay hub iyo qalab militari oo ka mamnuuc ah inuu shacab gacanta uu ku jiro Dharka ciidamada Booliska ee la qabtay waxaa ka mid ah dharka ay xirtaan booliska deegaanka Soomalida ee dalka Itoobiya sida sawirkaba ka muuqato.  Boolisku magaalada Addis Ababa waxay intaasi ku dareen in sidoo kale bakhaarka laga helay in 1 bam gacmeed, hal bistoolad iyo rasaas ka badan 250.  booliska Magaalada Addis Ababa Waxa ay gacanta ku soo dhigeen 5 qof oo lala xiriiriyey hubka iyo dharka ciidan ee la helay iney ku lug leeyihiin.

XOG :Waa Sidee Damaca Madaxweyne Farmaajo Iyo Dhibaatada Laga Dhaxli Doono

April 5, 2020 F.G 0

Tan iyo markii uu soo baxay Damaca Madaxweyne Farmaajo ee ah mudo kordhin  loo sameeyo heyadaha Dowlada oo xilhayntooda ku eg 7 February 2021, Madaxweyne    Farmaajo si uu garab military u hello wuxuu raali galiyay Dowlada Ethiopia  isla markaasna u fuliyay dano aysan ku dhiirakarin Madaxdii ka horeysay  Madaxweyne Farmaajo , Intii uu Raali galinayay Ethiopia Waxaana taariikhda galay inta la ogyahay qodobada soosocdo, Dhiibisti Muwaadin , Sarkaal ka tirsan CXDS, Halyeey dhiigiisa u huray difaaca Qaranimada Soomaaliyeed Cornel Abdikarin Shiekh Muuse Khalbi dhagax Hibeenta 4 Dakadood si sharuud laan ah, oo loo saxiixay Ethiopia Hishiisyo qarsoon oo uu lagalay Dowladaha Ethiopia & Eritrea taaso Halis ku ah Dalka , Dadka & Dowladnimada Soomaaliya, Hishiis uu Ethiopia kula galay in Somalia ayka mid noqoneyso Shucuubta Ethiopia isla markaasna hal dowladood ku midoowayaan, Markaati u ah Hadalkiisii waa walaalo itoobiya iyo somaliya. Difaacida tacadiyada bini aadanimo ee geestan Ciidamada Ethiopia ee sida sharci darada ku jooga Soomaaliya ,                     Madaxweyne  Farmaajo wuxuu sido kale fuliyay weeraro [Sii aqri]

Howlgalo Ciidan Oo Ka Socda Caasimada HirShabelle ee Jowhar

April 5, 2020 F.G 0

Ciidamada Booliska Maamulka Hirshabeelle ayaa xalay illaa saaka howlgallo baaritaano ka wada gudaha magaalada Jowhar, kaddib qaraxii shalay ka dhacay magaalada. Qaraxii shalay ka dhacay magaalada oo ahaa miinada nuuca dhulka lagu aaso ayaa goobta uu ka dhacay ay aheyd meel caan ah oo dadka ay isugu yimaadaan, ahna boosteejada laga raaco gaadiidka aada Muqdisho, waxaana qaraxa ku dhintay hal qof, halka shan kale oo uu ku jiro Xildhibaan ka tirsan Hirshabeelle uu ku dhaawacmay. Howlgalka Ciidamada ay ka wadaan magaalada Jowhar ayaa la sheegayaa  inay ku baadigoobayaan dadkii ka dambeeyay qaraxaas, waxaana howlgalka laga sameeyay xaafadaha u dhow halka uu qaraxa ka dhacay. Ma jirto wax war ah oo ka soo baxay Maamulka Hirshabeelle oo ku saabsan qaraxii shalay, waxaana qaraxa ka dhacay magaalada ku soo aaday, iyadoo Madaxda ugu sareysa Hirshabeelle ku sugan yihiin Jowhar. Magaalada Jowhar ayaa aheyd goob amnigeeda wanaagsanaa, waxaana dhif iyo naadir ahaa falalka amni darro oo ka dhaca magaalada.

Duqa Muqdisho Oo Dhagax Dhigay Dhismaha Xarun Taariikhi Ah

April 5, 2020 F.G 0

Guddoomiyaha Gobolka Banaadir ahna Duqa magaalada Muqdisho Cumar Maxamud Maxamed (Cumar Filish) ayaa maanta dhagax dhigay xaruntii taariikhiga ah Ex Baarlamaan ee degmada Boondheere. Ujeedka dhagax dhigan ayaa ahaa mid ay dowladda Hoose ee Xamar ugu tala gashay in dib u dayactir iyo qurxin lagu sameeyo xaruntan si bulshada ay ugu soo dalxiis tagaan ugana bogtaan taariikhda goobtaan oo ah xaruntii Baarlamaankii ugu horeeyay ee Jamhuuriyda Soomaaliya ee 1960. Guddoomiyaha Gobolka Banaadir oo ay wehliyeen kuxigeenkiisa iyo Maareeyaha Guud ee Wakaaladaha Dhismaha ayaa waxay sheegeen in xaruntan ay tahay meel taariikhi ah oo wixii hadda ka dambeeya dadka u soo dalxiisi doonaan. Xarunta Ex Baarlamaan ayaa ka mid aheyd goobihii ay ku burbureen dagaaladii sokeeye, waxaana ay noqon doontaa goob taariikhi ah oo lagu xusuusan doono burburkii dalka, waxaana iyada oo dhismaha burburdan taagan hareerihiisa lagu beeri doonaa beero, lagana dhisi doonaa Jardiinooyin.

Israsaaseyn Goordhow Ka Dhacday Baladweyne Iyo Guddomiyaha Cusub Oo Kulamo Bilaabay

April 5, 2020 F.G 0

Wararka aan ka heleyno Magaalada Baladweyne ee Xarunta Gobolka Hiiraan ayaa sheegaya  in halkaas Goordhow ay Israsaaseyn ku dhexmartay Ciidamo kala taabacsan Guddoomiyihii Gobolka Hiiraan ee xilka qaadista lagu sameeyay iyo Guddoomiyaha Cusub ee Gobolkaas. Israsaaseynta ayaa timid, kadib markii Guddoomiyaha Cusub ee Hiiraan Cali Jeyte Cismaan uu saakay galay mid kamid ah Xafiisyada uu ku shaqeeyo Maamulka Gobolka kuna yaalla meel aan sidaas uga fogeeyn Guriga uu degan yahay Cali Muxumed Caraale, sidaasina ay rasaasta ku bilaabatay. Dadka deegaanka ayaa soo sheegaya inay maqlayeen rasaas daqiiqado socotay oo ay isdhaafsanayeen labada Ciidan, wallow markii dambe ay istaagtay, mana jiro wax Khasaaro ah oo ka dhashay. Wararka ayaa intaas kusii daraya in xiisad Maanta ay ka taagan tahay agagaarka Xarunta uu ku shaqeeyo Maamulka Gobolka Hiiraan, waxaana halkaas isku hor fadhiya Ciidamo kala taabacsan Guddoomiyihii Hiiraan ee xilka qaadista lagu sameeyay ee Cali Caraale iyo Guddoomiyaha Cusub ee Cali Jeyte Cismaan oo dhawaan la magacaabay. Guddoomiyaha Cusub ee Maamulka gobolka Hiiraan,balse aan weli xilka la wareegin Cali Jeyte Cismaan ayaa Maanta kulankii ugu horeeyey waxaa [Sii aqri]

Qarax ka dhacay Gaalkacyo iyo Mas’uul ku dhaawacmay

April 5, 2020 F.G 0

Qarax ayaa goor dhow ka dhacay waqooyiga magaalada Gaalkacyo ee gobolka Mudug, kaasoo ahaa gaari waxyaabaha qarxa lagu xiray. Sida wararku sheegayaan qaraxan ayaa waxaa gaarigiisa lagu xiray Mas’uul ka tirsan Waaxda Canshuuraha ee Wasaaradda Maaliyadda Puntland oo lagu magacaabo Cabdi Gube. Wararka ayaa intaa ku daraya in Mas’uulka qaraxa lala eegtay uu dhaawac soo gaaray, waxaana dhaawiciisa la geeyay isbitaalka magaalada. Ciidamo ka tirsan kuwa Amniga Puntland ayaa la sheegay inay xireen goobta qaraxa uu ka dhacay, iyagoo ka baadigoobaya dadkii ka dambeeyay. Magaalada Gaalkacyo ayaa waxaa horay uga dhacay qaraxyo iyo dilal ay mas’uuliyadooda sheegatay Kooxda Al-Shabaab.

1 2 3 686